ಶ್ರೀ ಗಣೇಶ ವಜ್ರಪಂಜರ ಸ್ತೋತ್ರಂ
ಧ್ಯಾನಮ್ |
ತ್ರಿನೇತ್ರಂ ಗಜಾಸ್ಯಂ ಚತುರ್ಬಾಹುಧಾರಂ
ಪರಶ್ವಾದಿಶಸ್ತ್ರೈರ್ಯುತಂ ಭಾಲಚಂದ್ರಮ್ |
ನರಾಕಾರದೇಹಂ ಸದಾ ಯೋಗಶಾಂತಂ
ಗಣೇಶಂ ಭಜೇ ಸರ್ವವಂದ್ಯಂ ಪರೇಶಮ್ || ೧ ||
ಬಿಂದುರೂಪೋ ವಕ್ರತುಂಡೋ ರಕ್ಷತು ಮೇ ಹೃದಿ ಸ್ಥಿತಃ |
ದೇಹಾಂಶ್ಚತುರ್ವಿಧಾಂಸ್ತತ್ತ್ವಾಂಸ್ತತ್ತ್ವಾಧಾರಃ ಸನಾತನಃ || ೨ ||
ದೇಹಮೋಹಯುತಂ ಹ್ಯೇಕದಂತಃ ಸೋಽಹಂ ಸ್ವರೂಪಧೃಕ್ |
ದೇಹಿನಂ ಮಾಂ ವಿಶೇಷೇಣ ರಕ್ಷತು ಭ್ರಮನಾಶಕಃ || ೩ ||
ಮಹೋದರಸ್ತಥಾ ದೇವೋ ನಾನಾಬೋಧಾನ್ ಪ್ರತಾಪವಾನ್ |
ಸದಾ ರಕ್ಷತು ಮೇ ಬೋಧಾನಂದಸಂಸ್ಥೋ ಹ್ಯಹರ್ನಿಶಮ್ || ೪ ||
ಸಾಂಖ್ಯಾನ್ ರಕ್ಷತು ಸಾಂಖ್ಯೇಶೋ ಗಜಾನನಃ ಸುಸಿದ್ಧಿದಃ |
ಅಸತ್ಯೇಷು ಸ್ಥಿತಂ ಮಾಂ ಸ ಲಂಬೋದರಶ್ಚ ರಕ್ಷತು || ೫ ||
ಸತ್ಸು ಸ್ಥಿತಂ ಸುಮೋಹೇನ ವಿಕಟೋ ಮಾಂ ಪರಾತ್ಪರಃ |
ರಕ್ಷತು ಭಕ್ತವಾತ್ಸಲ್ಯಾತ್ ಸದೈಕಾಮೃತಧಾರಕಃ || ೬ ||
ಆನಂದೇಷು ಸ್ಥಿತಂ ನಿತ್ಯಂ ಮಾಂ ರಕ್ಷತು ಸಮಾತ್ಮಕಃ |
ವಿಘ್ನರಾಜೋ ಮಹಾವಿಘ್ನೈರ್ನಾನಾಖೇಲಕರಃ ಪ್ರಭುಃ || ೭ ||
ಅವ್ಯಕ್ತೇಷು ಸ್ಥಿತಂ ನಿತ್ಯಂ ಧೂಮ್ರವರ್ಣಃ ಸ್ವರೂಪಧೃಕ್ |
ಮಾಂ ರಕ್ಷತು ಸುಖಾಕಾರಃ ಸಹಜಃ ಸರ್ವಪೂಜಿತಃ || ೮ ||
ಸ್ವಸಂವೇದ್ಯೇಷು ಸಂಸ್ಥಂ ಮಾಂ ಗಣೇಶಃ ಸ್ವಸ್ವರೂಪಧೃಕ್ |
ರಕ್ಷತು ಯೋಗಭಾವೇನ ಸಂಸ್ಥಿತೋ ಭವನಾಯಕಃ || ೯ ||
ಅಯೋಗೇಷು ಸ್ಥಿತಂ ನಿತ್ಯಂ ಮಾಂ ರಕ್ಷತು ಗಣೇಶ್ವರಃ |
ನಿವೃತ್ತಿರೂಪಧೃಕ್ ಸಾಕ್ಷಾದಸಮಾಧಿಸುಖೇ ರತಃ || ೧೦ ||
ಯೋಗಶಾಂತಿಧರೋ ಮಾಂ ತು ರಕ್ಷತು ಯೋಗಸಂಸ್ಥಿತಮ್ |
ಗಣಾಧೀಶಃ ಪ್ರಸಂನಾತ್ಮಾ ಸಿದ್ಧಿಬುದ್ಧಿಸಮನ್ವಿತಃ || ೧೧ ||
ಪುರೋ ಮಾಂ ಗಜಕರ್ಣಶ್ಚ ರಕ್ಷತು ವಿಘ್ನಹಾರಕಃ |
ವಾಹ್ನ್ಯಾಂ ಯಾಮ್ಯಾಂ ಚ ನೈರೃತ್ಯಾಂ ಚಿಂತಾಮಣಿರ್ವರಪ್ರದಃ || ೧೨ ||
ರಕ್ಷತು ಪಶ್ಚಿಮೇ ಢುಂಢಿರ್ಹೇರಂಬೋ ವಾಯುದಿಕ್ ಸ್ಥಿತಮ್ |
ವಿನಾಯಕಶ್ಚೋತ್ತರೇ ತು ಪ್ರಮೋದಶ್ಚೇಶದಿಕ್ ಸ್ಥಿತಮ್ || ೧೩ ||
ಊರ್ಧ್ವಂ ಸಿದ್ಧಿಪತಿಃ ಪಾತು ಬುದ್ಧೀಶೋಽಧಃ ಸ್ಥಿತಂ ಸದಾ |
ಸರ್ವಾಂಗೇಷು ಮಯೂರೇಶಃ ಪಾತು ಮಾಂ ಭಕ್ತಿಲಾಲಸಃ || ೧೪ ||
ಯತ್ರ ತತ್ರ ಸ್ಥಿತಂ ಮಾಂ ತು ಸದಾ ರಕ್ಷತು ಯೋಗಪಃ |
ಪುರಶುಪಾಶಸಂಯುಕ್ತೋ ವರದಾಭಯಧಾರಕಃ || ೧೫ ||
ಇದಂ ಗಣಪತೇಃ ಪ್ರೋಕ್ತಂ ವಜ್ರಪಂಜರಕಂ ಪರಮ್ |
ಧಾರಯಸ್ವ ಮಹಾದೇವ ವಿಜಯೀ ತ್ವಂ ಭವಿಷ್ಯಸಿ || ೧೬ ||
ಯ ಇದಂ ಪಂಜರಂ ಧೃತ್ವಾ ಯತ್ರ ಕುತ್ರ ಸ್ಥಿತೋ ಭವೇತ್ |
ನ ತಸ್ಯ ಜಾಯತೇ ಕ್ವಾಪಿ ಭಯಂ ನಾನಾಸ್ವಭಾವಜಮ್ || ೧೭ ||
ಯಃ ಪಠೇತ್ ಪಂಜರಂ ನಿತ್ಯಂ ಸ ಈಪ್ಸಿತಮವಾಪ್ನುಯಾತ್ |
ವಜ್ರಸಾರತನುರ್ಭೂತ್ವಾ ಚರೇತ್ಸರ್ವತ್ರ ಮಾನವಃ || ೧೮ ||
ತ್ರಿಕಾಲಂ ಯಃ ಪಠೇತ್ ನಿತ್ಯಂ ಸ ಗಣೇಶ ಇವಾಪರಃ ||
ನಿರ್ವಿಘ್ನಃ ಸರ್ವಕಾರ್ಯೇಷು ಬ್ರಹ್ಮಭೂತೋ ಭವೇತ್ ನರಃ || ೧೯ ||
ಯಃ ಶೃಣೋತಿ ಗಣೇಶಸ್ಯ ಪಂಜರಂ ವಜ್ರಸಂಜ್ಞಕಮ್ |
ಆರೋಗ್ಯಾದಿಸಮಾಯುಕ್ತೋ ಭವತೇ ಗಣಪಪ್ರಿಯಃ || ೨೦ ||
ಧನಂ ಧಾನ್ಯಂ ಪಶೂನ್ ವಿದ್ಯಾಮಾಯುಷ್ಯಂ ಪುತ್ರಪೌತ್ರಕಮ್ |
ಸರ್ವಸಂಪತ್ಸಮಾಯುಕ್ತಮೈಶ್ವರ್ಯಂ ಪಠನಾಲ್ಲಭೇತ್ || ೨೧ ||
ನ ಭಯಂ ತಸ್ಯ ವಜ್ರಾತ್ತು ಚಕ್ರಾಚ್ಛೂಲಾದ್ಭವೇತ್ ಕದಾ |
ಶಂಕರಾದೇರ್ಮಹಾದೇವ ಪಠನಾದಸ್ಯ ನಿತ್ಯಶಃ || ೨೨ ||
ಯಂ ಯಂ ಚಿಂತಯತೇ ಮರ್ತ್ಯಸ್ತಂ ತಂ ಪ್ರಾಪ್ನೋತಿ ಶಾಶ್ವತಮ್ |
ಪಠನಾದಸ್ಯ ವಿಘ್ನೇಶ ಪಂಜರಸ್ಯ ನಿರಂತರಮ್ || ೨೩ ||
ಲಕ್ಷಾವೃತ್ತಿಭಿರೇವಂ ಸ ಸಿದ್ಧಪಂಜರಕೋ ಭವೇತ್ |
ಸ್ತಂಭಯೇದಪಿ ಸೂರ್ಯಂ ತು ಬ್ರಹ್ಮಾಂಡಂ ವಶಮಾನಯೇತ್ || ೨೪ ||
ಏವಮುಕ್ತ್ವಾ ಗಣೇಶಾನೋಽಂತರ್ದಧೇ ಮುನಿಸತ್ತಮ |
ಶಿವೋ ದೇವಾದಿಭಿರ್ಯುಕ್ತೋ ಹರ್ಷಿತಃ ಸಂಬಭೂವ ಹ || ೨೫ ||
ಕನ್ನಡ ಅರ್ಥ
ಧ್ಯಾನ ಮಂತ್ರ:
ಮೂರು ಕಣ್ಣುಗಳನ್ನು ಹೊಂದಿರುವ, ಆನೆಯ ಮುಖವನ್ನು ಹೊಂದಿರುವ, ನಾಲ್ಕು ಕೈಗಳಿಂದ ಪರಶು ಮುಂತಾದ ಆಯುಧಗಳನ್ನು ಹಿಡಿದಿರುವ, ಹಣೆಯಲ್ಲಿ ಚಂದ್ರನನ್ನು ಹೊಂದಿರುವ, ಮಾನವರೂಪದ ಶರೀರವನ್ನು ಹೊಂದಿರುವ, ಎಲ್ಲರಿಂದಲೂ ಪೂಜಿಸಲ್ಪಡುವ ಪರಮೇಶ್ವರ ಗಣೇಶನನ್ನು ನಾನು ಭಜಿಸುತ್ತೇನೆ.
ವಜ್ರಪಂಜರದ ರಕ್ಷಣಾರ್ಥ ಶ್ಲೋಕಗಳು:
೨. ಬಿಂದುರೂಪಿ, ವಕ್ರತುಂಡನಾದ ಗಣೇಶನು ನನ್ನ ಹೃದಯದಲ್ಲಿ ನೆಲೆಸಿ ನನ್ನನ್ನು ರಕ್ಷಿಸಲಿ. ನಾಲ್ಕು ಬಗೆಯ ದೇಹಭಾಗಗಳನ್ನು ಮತ್ತು ಐದು ತತ್ತ್ವಗಳನ್ನು ಆಧಾರವಾಗಿಟ್ಟುಕೊಂಡಿರುವ ಸನಾತನ ದೇವರು ನನ್ನನ್ನು ಕಾಪಾಡಲಿ.
೩. ಎಕದಂತನಾದ, ದೇಹಮೋಹದಿಂದ ಕೂಡಿದ, ತನ್ನ ನಿಜಸ್ವರೂಪವನ್ನು ತಿಳಿದಿರುವ, ಅವನೇ ನಾನು ಎಂದು ತಿಳಿದ, ದೇಹಿಯಾದ ನನ್ನನ್ನು ವಿಶೇಷವಾಗಿ ರಕ್ಷಿಸಲಿ, ಭ್ರಮೆಯನ್ನು ನಾಶಮಾಡುವವನಾದ ದೇವರು.
೪. ಮಹೋದರನಾದ ದೇವರು, ಅನೇಕ ಬೋಧೆಗಳನ್ನು ಕೊಡುವ ಪ್ರತಾಪಶಾಲಿಯಾದವನು, ಬೋಧೆಯಿಂದ ಆನಂದಿಸುವವನು, ಹಗಲು-ರಾತ್ರಿ ನನ್ನನ್ನು ಸದಾ ರಕ್ಷಿಸಲಿ.
೫. ಸಾಂಖ್ಯ ಶಾಸ್ತ್ರದಲ್ಲಿ ನಿಲ್ಲುವವರಿಗೆ ಸಾಂಖ್ಯೇಶನಾದ ಗಜಾನನನು, ಸುಸಿದ್ಧಿಯನ್ನು ಕೊಡುವವನು, ಅಸತ್ಯದಲ್ಲಿ ನಿಂತಿರುವ ನನ್ನನ್ನು ಲಂಬೋದರನು ರಕ್ಷಿಸಲಿ.
೬. ಸತ್ಯದಲ್ಲಿ ನಿಂತಿರುವ ನನ್ನನ್ನು ಮೋಹದಿಂದ ಪರಮಾತ್ಮನಾದ ವಿಕಟನು ರಕ್ಷಿಸಲಿ. ಭಕ್ತರ ಮೇಲೆ ವಾತ್ಸಲ್ಯವನ್ನು ಹೊಂದಿರುವ, ಅಮೃತವನ್ನು ಹರಿಸುವವನು.
೭. ಆನಂದದಲ್ಲಿ ನಿಂತಿರುವ ನನ್ನನ್ನು ಸಮಾಧಾನದಿಂದ ಕೂಡಿದವನು ರಕ್ಷಿಸಲಿ. ವಿಘ್ನರಾಜನಾದ, ಮಹಾವಿಘ್ನಗಳಿಂದ ಅನೇಕ ಕ್ರೀಡೆಗಳನ್ನು ಮಾಡುವ ಪ್ರಭುವು.
೮. ಅವ್ಯಕ್ತದಲ್ಲಿ ನಿಂತಿರುವ ನನ್ನನ್ನು ಧೂಮ್ರವರ್ಣದ, ಸ್ವರೂಪವನ್ನು ತಿಳಿದಿರುವ, ಸುಖಕರನಾದ, ಸಹಜವಾದ, ಎಲ್ಲರಿಂದ ಪೂಜಿಸಲ್ಪಡುವವನು ರಕ್ಷಿಸಲಿ.
೯. ಸ್ವಂತ ಅನುಭವಕ್ಕೆ ಸಿಗದವುಗಳಲ್ಲಿ ನಿಂತಿರುವ ನನ್ನನ್ನು, ತನ್ನ ಸ್ವರೂಪವನ್ನು ತಿಳಿದಿರುವ ಗಣೇಶನು, ಯೋಗಭಾವದಿಂದ ಸಂಸ್ಥಿತನಾದ ಭವನಾಯಕನು ರಕ್ಷಿಸಲಿ.
೧೦. ಅಯೋಗದಲ್ಲಿ ನಿಂತಿರುವ ನನ್ನನ್ನು ಗಣೇಶ್ವರನು ರಕ್ಷಿಸಲಿ. ನಿವೃತ್ತಿರೂಪವನ್ನು ತಿಳಿದಿರುವ, ಸಾಕ್ಷಾತ್ ಸಮಾಧಿಸುಖದಲ್ಲಿ ರಮಿಸುವವನು.
೧೧-೧೫. ದಿಕ್ಪಾಲಕ ರಕ್ಷಣೆ:
ಯೋಗಶಾಂತಿಧಾರಕನಾದ ಗಣಾಧೀಶನು ಮುಂದೆ, ಗಜಕರ್ಣನು ಪಶ್ಚಿಮದಲ್ಲಿ, ಢುಂಢಿರನು ವಾಯುವ್ಯ ದಿಕ್ಕಿನಲ್ಲಿ, ಹೇರಂಬನು ಉತ್ತರದಲ್ಲಿ, ವಿನಾಯಕನು ಈಶಾನ್ಯದಲ್ಲಿ, ಪ್ರಮೋದನು ದಕ್ಷಿಣದಲ್ಲಿ, ಸಿದ್ಧಿಪತಿಯು ಮೇಲೆ, ಬುದ್ಧೀಶನು ಕೆಳಗೆ, ಮತ್ತು ಮಯೂರೇಶನು ಎಲ್ಲಾ ಅಂಗಗಳಲ್ಲಿ ನನ್ನನ್ನು ರಕ್ಷಿಸಲಿ.
೧೬-೧೯. ಫಲ ಶ್ಲೋಕಗಳು: ಈ ವಜ್ರಪಂಜರವನ್ನು ಧರಿಸಿದವನು ವಿಜಯಿಯಾಗುತ್ತಾನೆ. ಎಲ್ಲಿದ್ದರೂ ಯಾವುದೇ ಭಯವು ಅವನಿಗೆ ಇರುವುದಿಲ್ಲ. ನಿತ್ಯ ಪಠಿಸುವವನು ಇಷ್ಟವನ್ನು ಪಡೆಯುತ್ತಾನೆ. ತ್ರಿಕಾಲವೂ ಪಠಿಸುವವನು ವಿಘ್ನರಹಿತನಾಗಿ, ಬ್ರಹ್ಮನಂತೆ ಆಗುತ್ತಾನೆ.
೨೦-೨೪. ಐಶ್ವರ್ಯ ಪ್ರಾಪ್ತಿ: ಕೇಳುವವನು ಆರೋಗ್ಯಯುಕ್ತನಾಗುತ್ತಾನೆ. ಧನ, ಧಾನ್ಯ, ಪಶು, ವಿದ್ಯೆ, ಆಯುಷ್ಯ, ಪುತ್ರ-ಪೌತ್ರರು, ಸರ್ವಸಂಪತ್ತು ಸಿಗುತ್ತದೆ. ವಜ್ರ, ಚಕ್ರ, ಶೂಲದಿಂದ ಭಯವಿರುವುದಿಲ್ಲ. ಯಾವುದನ್ನು ಚಿಂತಿಸುವುದೋ ಅದು ಸಿಗುತ್ತದೆ. ಲಕ್ಷ ಜಪ ಮಾಡಿದವನು ಸೂರ್ಯನನ್ನು ತಡೆಯಬಲ್ಲ, ಬ್ರಹ್ಮಾಂಡವನ್ನು ವಶಪಡಿಸಿಕೊಳ್ಳಬಲ್ಲವನಾಗುತ್ತಾನೆ.
೨೫. ಮುನಿ ಶಿವನು ಹೀಗೆ ಹೇಳಿ, ದೇವಾದಿಗಳಿಂದ ಯುಕ್ತನಾಗಿ ಹರ್ಷಿತನಾದನು.
ಸಂಸ್ಕೃತ ಮೂಲವನ್ನು ನೋಡಿ
ಸಂಸ್ಕೃತ ಮೂಲಪಾಠ
ध्यानम्
त्रिनेत्रं गजास्यं चतुर्बाहुधारं
परश्वादिशस्त्रैर्युतं भालचन्द्रम् |
नराकारदेहं सदा योगशान्तं
गणेशं भजे सर्ववन्द्यं परेशम् || १ ||
बिन्दुरूपो वक्रतुण्डो रक्षतु मे हृदि स्थितः |
देहांश्चतुर्विधांस्तत्त्वांस्तत्त्वाधारः सनातनः || २ ||
देहमोहयुतं ह्यैकदन्तः सोऽहं स्वरूपधृक् |
देहिनं मां विशेषेण रक्षतु भ्रमनाशकः || ३ ||
महोदरस्तथा देवो नानाबोधान् प्रतापवान् |
सदा रक्षतु मे बोधानन्दसंस्थो ह्यहर्निशम् || ४ ||
सांख्यान् रक्षतु सांख्येशो गजाननः सुसिद्धिदः |
असत्येषु स्थितं मां स लम्बोदरश्च रक्षतु || ५ ||
सत्सु स्थितं सुमोहेन विकटो मां परात्परः |
रक्षतु भक्तवात्सल्यात् सदैकामृतधारकः || ६ ||
आनन्देषु स्थितं नित्यं मां रक्षतु समात्मकः |
विघ्नराजो महाविघ्नैर्नानाखेलकरः प्रभुः || ७ ||
अव्यक्तेषु स्थितं नित्यं धूम्रवर्णः स्वरूपधृक् |
मां रक्षतु सुखाकारः सहजः सर्वपूजितः || ८ ||
स्वसंवेद्येषु संस्थं मां गणेशः स्वस्वरूपधृक् |
रक्षतु योगभावेन संस्थितो भवनायकः || ९ ||
अयोगेषु स्थितं नित्यं मां रक्षतु गणेश्वरः |
निवृत्तिरूपधृक् साक्षादसमाधिसुखे रतः || १० ||
योगशान्तिधरो मां तु रक्षतु योगसंस्थितम् |
गणाधीशः प्रसन्नात्मा सिद्धिबुद्धिसमन्वितः || ११ ||
पुरो मां गजकर्णश्च रक्षतु विघ्नहारकः |
वाह्न्यां याम्यां च नैरृत्यां चिन्तामणिर्वरप्रदः || १२ ||
रक्षतु पश्चिमे ढुण्ढिर्हेरम्बो वायुदिक् स्थितम् |
विनायकश्चोत्तरे तु प्रमोदश्चेशदिक् स्थितम् || १३ ||
ऊर्ध्वं सिद्धिपतिः पातु बुद्धीशोऽधः स्थितं सदा |
सर्वाङ्गेषु मयूरेशः पातु मां भक्तिलालसः || १४ ||
यत्र तत्र स्थितं मां तु सदा रक्षतु योगपः |
पुरशुपाशसंयुक्तो वरदाभयधारकः || १५ ||
इदं गणपतेः प्रोक्तं वज्रपञ्जरकं परम् |
धारयस्व महादेव विजयी त्वं भविष्यसि || १६ ||
य इदं पञ्जरं धृत्वा यत्र कुत्र स्थितो भवेत् |
न तस्य जायते क्वापि भयं नानास्वभावजम् || १७ ||
यः पठेत् पञ्जरं नित्यं स ईप्सितमवाप्नुयात् |
वज्रसारतनुर्भूत्वा चरेत्सर्वत्र मानवः || १८ ||
त्रिकालं यः पठेन्नित्यं स गणेश इवापरः |
निर्विघ्नः सर्वकार्येषु ब्रह्मभूतो भवेन्नरः || १९ ||
यः शृणोति गणेशस्य पञ्जरं वज्रसंज्ञकम् |
आरोग्यादिसमायुक्तो भवते गणपप्रियः || २० ||
धनं धान्यं पशून् विद्यामायुष्यं पुत्रपौत्रकम् |
सर्वसम्पत्समायुक्तमैश्वर्यं पठनाल्लभेत् || २१ ||
न भयं तस्य वज्रात्तु चक्राच्छूलाद्भवेत् कदा |
शङ्करादेर्महादेव पठनादस्य नित्यशः || २२ ||
यं यं चिन्तयते मर्त्यस्तं तं प्राप्नोति शाश्वतम् |
पठनादस्य विघ्नेश पञ्जरस्य निरन्तरम् || २३ ||
लक्षावृत्तिभिरेवं स सिद्धपञ्जरको भवेत् |
स्तम्भयेदपि सूर्यं तु ब्रह्माण्डं वशमानयेत् || २४ ||
एवमुक्त्वा गणेशानोऽन्तर्दधे मुनिसत्तम |
शिवो देवादिभिर्युक्तो हर्षितः सम्बभूव ह || २५ ||