ಶ್ರೀ ಲಲಿತಾ ಲಕಾರಾದಿ ಶತನಾಮ ಸ್ತೋತ್ರಂ
ಪೂರ್ವಪೀಠಿಕಾ –
ಕೈಲಾಸಶಿಖರಾಸೀನಂ ದೇವದೇವಂ ಜಗದ್ಗುರುಮ್ |
ಪಪ್ರಚ್ಛೇಶಂ ಪರಾನಂದಂ ಭೈರವೀ ಪರಮೇಶ್ವರಮ್ || ೧ ||
ಶ್ರೀಭೈರವ್ಯುವಾಚ |
ಕೌಲೇಶ ಶ್ರೋತುಮಿಚ್ಛಾಮಿ ಸರ್ವಮಂತ್ರೋತ್ತಮೋತ್ತಮಮ್ |
ಲಲಿತಾಯಾ ಶತನಾಮ ಸರ್ವಕಾಮಫಲಪ್ರದಮ್ || ೨ ||
ಶ್ರೀಭೈರವೋವಾಚ |
ಶೃಣು ದೇವಿ ಮಹಾಭಾಗೇ ಸ್ತೋತ್ರಮೇತದನುತ್ತಮಮ್ |
ಪಠನಾದ್ಧಾರಣಾದಸ್ಯ ಸರ್ವಸಿದ್ಧೀಶ್ವರೋ ಭವೇತ್ || ೩ ||
ಷಟ್ಕರ್ಮಾಣಿ ಚ ಸಿದ್ಧ್ಯಂತಿ ಸ್ತವಸ್ಯಾಸ್ಯ ಪ್ರಸಾದತಃ |
ಗೋಪನೀಯಂ ಪಶೋರಗ್ರೇ ಸ್ವಯೋನಿಮಪರೇ ಯಥಾ || ೪ ||
ಲಲಿತಾಯಾ ಲಕಾರಾದಿ ನಾಮಶತಕಸ್ಯ ದೇವಿ |
ರಾಜರಾಜೇಶ್ವರೋ ಋಷಿಃ ಪ್ರೋಕ್ತೋ ಛಂದೋಽನುಷ್ಟುಪ್ ತಥಾ || ೫ ||
ದೇವತಾ ಲಲಿತಾದೇವೀ ಷಟ್ಕರ್ಮಸಿದ್ಧ್ಯರ್ಥೇ ತಥಾ |
ಧರ್ಮಾರ್ಥಕಾಮಮೋಕ್ಷೇಷು ವಿನಿಯೋಗಃ ಪ್ರಕೀರ್ತಿತಃ || ೬ ||
ವಾಕ್-ಕಾಮ-ಶಕ್ತಿಬೀಜೇನ ಕರಷಡಂಗಮಾಚರೇತ್ |
ಪ್ರಯೋಗೇ ಬಾಲಾತ್ರ್ಯಕ್ಷರೀ ಯೋಜಯಿತ್ವಾ ಜಪಂ ಚರೇತ್ || ೭ ||
ಅಸ್ಯ ಶ್ರೀ ಲಲಿತಾ ಲಕಾರಾದಿ ಶತನಾಮಮಾಲಾಮಂತ್ರಸ್ಯ ಶ್ರೀರಾಜರಾಜೇಶ್ವರೋ ಋಷಿಃ ಅನುಷ್ಟುಪ್ ಛಂದಃ ಶ್ರೀಲಲಿತಾದೇವೀ ದೇವತಾ ಷಟ್ಕರ್ಮಸಿದ್ಧ್ಯರ್ಥೇ ಧರ್ಮಾರ್ಥಕಾಮಮೋಕ್ಷಾರ್ಥೇ ಪಾಠೇ ವಿನಿಯೋಗಃ
ಕರನ್ಯಾಸಃ –
ಓಂ ಐಂ ಅಂಗುಷ್ಠಾಭ್ಯಾಂ ನಮಃ |
ಓಂ ಕ್ಲೀಂ ತರ್ಜನೀಭ್ಯಾಂ ನಮಃ |
ಓಂ ಸೌಃ ಮಧ್ಯಮಾಭ್ಯಾಂ ನಮಃ |
ಓಂ ಐಂ ಅನಾಮಿಕಾಭ್ಯಾಂ ನಮಃ |
ಓಂ ಕ್ಲೀಂ ಕನಿಷ್ಠಿಕಾಭ್ಯಾಂ ನಮಃ |
ಓಂ ಸೌಃ ಕರತಲಕರಪೃಷ್ಠಾಭ್ಯಾಂ ನಮಃ
ಅಂಗನ್ಯಾಸಃ –
ಓಂ ಐಂ ಹೃದಯಾಯ ನಮಃ |
ಓಂ ಕ್ಲೀಂ ಶಿರಸೇ ಸ್ವಾಹಾ |
ಓಂ ಸೌಃ ಶಿಖಾಯೈ ವಷಟ್ |
ಓಂ ಐಂ ಕವಚಾಯ ಹುಮ್ |
ಓಂ ಕ್ಲೀಂ ನೇತ್ರತ್ರಯಾಯ ವೌಷಟ್ |
ಓಂ ಸೌಃ ಅಸ್ತ್ರಾಯ ಫಟ್
ಅಥ ಧ್ಯಾನಂ –
ಬಾಲಾರ್ಕಮಂಡಲಾಭಾಸಾಂ ಚತುರ್ಬಾಹುಂ ತ್ರಿಲೋಚನಾಮ್ |
ಪಾಶಾಂಕುಶಧನುರ್ಬಾಣಾನ್ ಧಾರಯಂತೀಂ ಶಿವಾಂ ಭಜೇ |
ಅಥ ಸ್ತೋತ್ರಂ –
ಲಲಿತಾ ಲಕ್ಷ್ಮೀ ಲೋಲಾಕ್ಷೀ ಲಕ್ಷ್ಮಣಾ ಲಕ್ಷ್ಮಣಾರ್ಚಿತಾ |
ಲಕ್ಷ್ಮಣಪ್ರಾಣರಕ್ಷಿಣೀ ಲಾಕಿನೀ ಲಕ್ಷ್ಮಣಪ್ರಿಯಾ || ೧ ||
ಲೋಲಾ ಲಕಾರಾ ಲೋಮೇಶಾ ಲೋಲಜಿಹ್ವಾ ಲಜ್ಜಾವತೀ |
ಲಕ್ಷ್ಯಾ ಲಾಕ್ಷ್ಯಾ ಲಕ್ಷರತಾ ಲಕಾರಾಕ್ಷರಭೂಷಿತಾ || ೨ ||
ಲೋಲಲಯಾತ್ಮಿಕಾ ಲೀಲಾ ಲೀಲಾವತೀ ಚ ಲಾಂಗಲೀ |
ಲಾವಣ್ಯಾಮೃತಸಾರಾ ಚ ಲಾವಣ್ಯಾಮೃತದೀರ್ಘಿಕಾ || ೩ ||
ಲಜ್ಜಾ ಲಜ್ಜಾಮತೀ ಲಜ್ಜಾ ಲಲನಾ ಲಲನಪ್ರಿಯಾ |
ಲವಣಾ ಲವಲೀ ಲಸಾ ಲಾಕ್ಷಕೀ ಲುಬ್ಧಾ ಲಾಲಸಾ || ೪ ||
ಲೋಕಮಾತಾ ಲೋಕಪೂಜ್ಯಾ ಲೋಕಜನನೀ ಲೋಲುಪಾ |
ಲೋಹಿತಾ ಲೋಹಿತಾಕ್ಷೀ ಚ ಲಿಂಗಾಖ್ಯಾ ಚೈವ ಲಿಂಗೇಶೀ || ೫ ||
ಲಿಂಗಗೀತಿ ಲಿಂಗಭವಾ ಲಿಂಗಮಾಲಾ ಲಿಂಗಪ್ರಿಯಾ |
ಲಿಂಗಾಭಿಧಾಯಿನೀ ಲಿಂಗಾ ಲಿಂಗನಾಮಸದಾನಂದಾ || ೬ ||
ಲಿಂಗಾಮೃತಪ್ರೀತಾ ಲಿಂಗಾರ್ಚನಪ್ರೀತಾ ಲಿಂಗಪೂಜ್ಯಾ |
ಲಿಂಗರೂಪಾ ಲಿಂಗಸ್ಥಾ ಚ ಲಿಂಗಾಲಿಂಗನತತ್ಪರಾ || ೭ ||
ಲತಾಪೂಜನರತಾ ಚ ಲತಾಸಾಧಕತುಷ್ಟಿದಾ |
ಲತಾಪೂಜಕರಕ್ಷಿಣೀ ಲತಾಸಾಧನಸಿದ್ಧಿದಾ || ೮ ||
ಲತಾಗೃಹನಿವಾಸಿನೀ ಲತಾಪೂಜ್ಯಾ ಲತಾರಾಧ್ಯಾ |
ಲತಾಪುಷ್ಪಾ ಲತಾರತಾ ಲತಾಧಾರಾ ಲತಾಮಯೀ || ೯ ||
ಲತಾಸ್ಪರ್ಶನಸಂತುಷ್ಟಾ ಲತಾಽಽಲಿಂಗನಹರ್ಷಿತಾ |
ಲತಾವಿದ್ಯಾ ಲತಾಸಾರಾ ಲತಾಽಽಚಾರಾ ಲತಾನಿಧೀ || ೧೦ ||
ಲವಂಗಪುಷ್ಪಸಂತುಷ್ಟಾ ಲವಂಗಲತಾಮಧ್ಯಸ್ಥಾ |
ಲವಂಗಲತಿಕಾರೂಪಾ ಲವಂಗಹೋಮಸಂತುಷ್ಟಾ || ೧೧ ||
ಲಕಾರಾಕ್ಷಾರಪೂಜಿತಾ ಚ ಲಕಾರವರ್ಣೋದ್ಭವಾ |
ಲಕಾರವರ್ಣಭೂಷಿತಾ ಲಕಾರವರ್ಣರುಚಿರಾ || ೧೨ ||
ಲಕಾರಬೀಜೋದ್ಭವಾ ತಥಾ ಲಕಾರಾಕ್ಷರಸ್ಥಿತಾ |
ಲಕಾರಬೀಜನಿಲಯಾ ಲಕಾರಬೀಜಸರ್ವಸ್ವಾ || ೧೩ ||
ಲಕಾರವರ್ಣಸರ್ವಾಂಗೀ ಲಕ್ಷ್ಯಛೇದನತತ್ಪರಾ |
ಲಕ್ಷ್ಯಧರಾ ಲಕ್ಷ್ಯಘೂರ್ಣಾ ಲಕ್ಷ್ಯಜಾಪೇನಸಿದ್ಧಿದಾ || ೧೪ ||
ಲಕ್ಷಕೋಟಿರೂಪಧರಾ ಲಕ್ಷಲೀಲಾಕಲಾಲಯಾ |
ಲೋಕಪಾಲೇನಾರ್ಚಿತಾ ಚ ಲಾಕ್ಷಾರಾಗವಿಲೇಪನಾ || ೧೫ ||
ಲೋಕಾತೀತಾ ಲೋಪಾಮುದ್ರಾ ಲಜ್ಜಾಬೀಜಸ್ವರೂಪಿಣೀ |
ಲಜ್ಜಾಹೀನಾ ಲಜ್ಜಾಮಯೀ ಲೋಕಯಾತ್ರಾವಿಧಾಯಿನೀ || ೧೬ ||
ಲಾಸ್ಯಪ್ರಿಯಾ ಲಯಕರೀ ಲೋಕಲಯಾ ಲಂಬೋದರೀ |
ಲಘಿಮಾದಿಸಿದ್ಧಿದಾತ್ರೀ ಲಾವಣ್ಯನಿಧಿದಾಯಿನೀ |
ಲಕಾರವರ್ಣಗ್ರಥಿತಾ ಲಂಬೀಜಾ ಲಲಿತಾಂಬಿಕಾ || ೧೭ ||
ಫಲಶ್ರುತಿಃ –
ಇತಿ ತೇ ಕಥಿತಂ ದೇವಿ ಗುಹ್ಯಾದ್ಗುಹ್ಯತರಂ ಪರಮ್ |
ಪ್ರಾತಃಕಾಲೇ ಚ ಮಧ್ಯಾಹ್ನೇ ಸಾಯಾಹ್ನೇ ಚ ಸದಾ ನಿಶಿ |
ಯಃ ಪಠೇತ್ ಸಾಧಕಶ್ರೇಷ್ಠೋ ತ್ರೈಲೋಕ್ಯವಿಜಯೀ ಭವೇತ್ || ೧ ||
ಸರ್ವಪಾಪವಿನಿರ್ಮಮುಕ್ತಃ ಸ ಯಾತಿ ಲಲಿತಾಪದಮ್ |
ಶೂನ್ಯಾಗಾರೇ ಶಿವಾರಣ್ಯೇ ಶಿವದೇವಾಲಯೇ ತಥಾ || ೨ ||
ಶೂನ್ಯದೇಶೇ ತಡಾಗೇ ಚ ನದೀತೀರೇ ಚತುಷ್ಪಥೇ |
ಏಕಲಿಂಗೇ ಋತುಸ್ನಾತಾಗೇಹೇ ವೇಶ್ಯಾಗೃಹೇ ತಥಾ || ೩ ||
ಪಠೇದಷ್ಟೋತ್ತರಶತನಾಮಾನಿ ಸರ್ವಸಿದ್ಧಯೇ |
ಸಾಧಕೋ ವಾಂಛಾಂ ಯತ್ಕುರ್ಯಾತ್ ತತ್ತಥೈವ ಭವಿಷ್ಯತಿ || ೪ ||
ಬ್ರಹ್ಮಾಂಡಗೋಲಕೇ ಯಾಶ್ಚ ಯಾಃ ಕಾಶ್ಚಿಜ್ಜಗತೀತಲೇ |
ಸಮಸ್ತಾಃ ಸಿದ್ಧಯೋ ದೇವಿ ಕರಾಮಲಕವತ್ಸದಾ || ೫ ||
ಸಾಧಕಸ್ಮೃತಿಮಾತ್ರೇಣ ಯಾವಂತ್ಯಃ ಸಂತಿ ಸಿದ್ಧಯಃ |
ಸ್ವಯಮಾಯಾಂತಿ ಪುರತೋ ಜಪಾದೀನಾಂ ತು ಕಾ ಕಥಾ || ೬ ||
ಅಯುತಾವರ್ತನಾದ್ದೇವಿ ಪುರಶ್ಚರ್ಯಾಽಸ್ಯ ಗೀಯತೇ |
ಪುರಶ್ಚರ್ಯಾಯುತಃ ಸ್ತೋತ್ರಃ ಸರ್ವಕರ್ಮಫಲಪ್ರದಃ || ೭ ||
ಸಹಸ್ರಂ ಚ ಪಠೇದ್ಯಸ್ತು ಮಾಸಾರ್ಧಂ ಸಾಧಕೋತ್ತಮಃ |
ದಾಸೀಭೂತಂ ಜಗತ್ಸರ್ವಂ ಮಾಸಾರ್ಧಾದ್ಭವತಿ ಧ್ರುವಮ್ || ೮ ||
ನಿತ್ಯಂ ಪ್ರತಿನಾಮ್ನಾ ಹುತ್ವಾ ಪಲಾಶಕುಸುಮೈರ್ನರಃ |
ಭೂಲೋಕಸ್ಥಾಃ ಸರ್ವಕನ್ಯಾಃ ಸರ್ವಲೋಕಸ್ಥಿತಾಸ್ತಥಾ || ೯ ||
ಪಾತಾಲಸ್ಥಾಃ ಸರ್ವಕನ್ಯಾಃ ನಾಗಕನ್ಯಾಃ ಯಕ್ಷಕನ್ಯಾಃ |
ವಶೀಕುರ್ಯಾನ್ಮಂಡಲಾರ್ಧಾತ್ಸಂಶಯೋ ನಾತ್ರ ವಿದ್ಯತೇ || ೧೦ ||
ಅಶ್ವತ್ಥಮೂಲೇ ಪಠೇತ್ ಶತವಾರಂ ಧ್ಯಾನಪೂರ್ವಕಮ್ |
ತತ್ ಕ್ಷಣಾದ್ವ್ಯಾಧಿನಾಶಶ್ಚ ಭವೇದ್ದೇವಿ ನಾ ಸಂಶಯಃ || ೧೧ ||
ಶೂನ್ಯಾಗಾರೇ ಪಠೇತ್ ಸ್ತೋತ್ರಂ ಸಹಸ್ರಂ ಧ್ಯಾನಪೂರ್ವಕಮ್ |
ಲಕ್ಷ್ಮೀ ಪ್ರಸೀದತಿ ಧ್ರುವಂ ಸ ತ್ರೈಲೋಕ್ಯಂ ವಶಿಷ್ಯತಿ || ೧೨ ||
ಪ್ರೇತವಸ್ತ್ರಂ ಭೌಮೇ ಗ್ರಾಹ್ಯಂ ರಿಪುನಾಮ ಚ ವೇಷ್ಟಿತಮ್ |
ಪ್ರಾಣಪ್ರತಿಷ್ಠಾಂ ಕೃತ್ವಾ ತು ಪೂಜಾಂ ಚೈವ ಹಿ ಕಾರಯೇತ್ || ೧೩ ||
ಶ್ಮಶಾನೇ ನಿಖನೇದ್ರಾತ್ರೌ ದ್ವಿಸಹಸ್ರಂ ಪಠೇತ್ತತಃ |
ಜಿಹ್ವಾಸ್ತಂಭನಮಾಪ್ನೋತಿ ಸದ್ಯೋ ಮೂಕತ್ವಮಾಪ್ನುಯಾತ್ || ೧೪ ||
ಶ್ಮಶಾನೇ ಚ ಪಠೇತ್ ಸ್ತೋತ್ರಂ ಅಯುತಾರ್ಧಂ ಸುಬುದ್ಧಿಮಾನ್ |
ಶತ್ರುಕ್ಷಯೋ ಭವೇತ್ ಸದ್ಯೋ ನಾನ್ಯಥಾ ಮಮ ಭಾಷಿತಮ್ || ೧೫ ||
ಪ್ರೇತವಸ್ತ್ರಂ ಶನೌ ಗ್ರಾಹ್ಯಂ ಪ್ರತಿನಾಮ್ನಾ ಸಂಪುಟಿತಮ್ |
ಶತ್ರುನಾಮ ಲಿಖಿತ್ವಾ ಚ ಪ್ರಾಣಪ್ರತಿಷ್ಠಾಂ ಕಾರಯೇತ್ || ೧೬ ||
ತತಃ ಲಲಿತಾಂ ಸಂಪೂಜ್ಯ ಕೃಷ್ಣಧತ್ತೂರಪುಷ್ಪಕೈಃ |
ಶ್ಮಶಾನೇ ನಿಖನೇದ್ರಾತ್ರೌ ಶತವಾರಂ ಪಠೇತ್ ಸ್ತೋತ್ರಮ್ || ೧೭ ||
ತತೋ ಮೃತ್ಯುಮವಾಪ್ನೋತಿ ದೇವರಾಜಸಮೋಽಪಿ ಸಃ |
ಶ್ಮಶಾನಾಂಗಾರಮಾದಾಯ ಮಂಗಳೇ ಶನಿವಾರೇ ವಾ || ೧೮ ||
ಪ್ರೇತವಸ್ತ್ರೇಣ ಸಂವೇಷ್ಟ್ಯ ಬಧ್ನೀಯಾತ್ ಪ್ರೇತರಜ್ಜುನಾ |
ದಶಾಭಿಮಂತ್ರಿತಂ ಕೃತ್ವಾ ಖನೇದ್ವೈರಿವೇಶ್ಮನಿ || ೧೯ ||
ಸಪ್ತರಾತ್ರಾಂತರೇ ತಸ್ಯೋಚ್ಚಾಟನಂ ಭ್ರಾಮಣಂ ಭವೇತ್ |
ಕುಮಾರೀಂ ಪೂಜಯಿತ್ವಾ ತು ಯಃ ಪಠೇದ್ಭಕ್ತಿತತ್ಪರಃ || ೨೦ ||
ನ ಕಿಂಚಿದ್ದುರ್ಲಭಂ ತಸ್ಯ ದಿವಿ ವಾ ಭುವಿ ಮೋದತೇ |
ದುರ್ಭಿಕ್ಷೇ ರಾಜಪೀಡಾಯಾಂ ಸಂಗ್ರಾಮೇ ವೈರಿಮಧ್ಯಕೇ || ೨೧ ||
ಯತ್ರ ಯತ್ರ ಭಯಂ ಪ್ರಾಪ್ತಃ ಸರ್ವತ್ರ ಪ್ರಪಠೇನ್ನರಃ |
ತತ್ರ ತತ್ರಾಭಯಂ ತಸ್ಯ ಭವತ್ಯೇವ ನ ಸಂಶಯಃ || ೨೨ ||
ವಾಮಪಾರ್ಶ್ವೇ ಸಮಾನೀಯ ಶೋಧಿತಾಂ ವರಕಾಮಿನೀಮ್ |
ಜಪಂ ಕೃತ್ವಾ ಪಠೇದ್ಯಸ್ತು ತಸ್ಯ ಸಿದ್ಧಿಃ ಕರೇ ಸ್ಥಿತಾ || ೨೩ ||
ದರಿದ್ರಸ್ತು ಚತುರ್ದಶ್ಯಾಂ ಕಾಮಿನೀಸಂಗಮೈಃ ಸಹ |
ಅಷ್ಟವಾರಂ ಪಠೇದ್ಯಸ್ತು ಕುಬೇರಸದೃಶೋ ಭವೇತ್ || ೨೪ ||
ಶ್ರೀಲಲಿತಾಂ ಮಹಾದೇವೀ ನಿತ್ಯಂ ಸಂಪೂಜ್ಯ ಮಾನವಃ |
ಪ್ರತಿನಾಮ್ನಾ ಜುಹುಯಾತ್ಸ ಧನರಾಶಿಮವಾಪ್ನುಯಾತ್ || ೨೫ ||
ನವನೀತಂ ಚಾಭಿಮಂತ್ರ್ಯ ಸ್ತ್ರೀಭ್ಯೋ ದದ್ಯಾನ್ಮಹೇಶ್ವರಿ |
ವಂಧ್ಯಾಂ ಪುತ್ರಪ್ರದಂ ದೇವಿ ನಾತ್ರ ಕಾರ್ಯಾ ವಿಚಾರಣಾ || ೨೬ ||
ಕಂಠೇ ವಾ ವಾಮಬಾಹೌ ವಾ ಯೋನೌ ವಾ ಧಾರಣಾಚ್ಛಿವೇ |
ಬಹುಪುತ್ರವತೀ ನಾರೀ ಸುಭಗಾ ಜಾಯತೇ ಧ್ರುವಮ್ || ೨೭ ||
ಉಗ್ರ ಉಗ್ರಂ ಮಹದುಗ್ರಂ ಸ್ತವಮಿದಂ ಲಲಿತಾಯಾಃ |
ಸುವಿನೀತಾಯ ಶಾಂತಾಯ ದಾಂತಾಯಾತಿಗುಣಾಯ ಚ || ೨೮ ||
ಭಕ್ತಾಯ ಜ್ಯೇಷ್ಠಪುತ್ರಾಯ ಗುರುಭಕ್ತಿಪರಾಯ ಚ |
ಭಕ್ತಭಕ್ತಾಯ ಯೋಗ್ಯಾಯ ಭಕ್ತಿಶಕ್ತಿಪರಾಯ ಚ || ೨೯ ||
ವೇಶ್ಯಾಪೂಜನಯುಕ್ತಾಯ ಕುಮಾರೀಪೂಜಕಾಯ ಚ |
ದುರ್ಗಾಭಕ್ತಾಯ ಶೈವಾಯ ಕಾಮೇಶ್ವರಪ್ರಜಾಪಿನೇ || ೩೦ ||
ಅದ್ವೈತಭಾವಯುಕ್ತಾಯ ಶಕ್ತಿಭಕ್ತಿಪರಾಯ ಚ |
ಪ್ರದೇಯಂ ಶತನಾಮಾಖ್ಯಂ ಸ್ವಯಂ ಲಲಿತಾಜ್ಞಯಾ || ೩೧ ||
ಖಲಾಯ ಪರತಂತ್ರಾಯ ಪರನಿಂದಾಪರಾಯ ಚ |
ಭ್ರಷ್ಟಾಯ ದುಷ್ಟತತ್ತ್ವಾಯ ಪರೀವಾದಪರಾಯ ಚ || ೩೨ ||
ಶಿವಾಭಕ್ತಾಯ ದುಷ್ಟಾಯ ಪರದಾರರತಾಯ ಚ |
ವೇಶ್ಯಾಸ್ತ್ರೀನಿಂದಕಾಯ ಚ ಪಂಚಮಕಾರನಿಂದಕೇ || ೩೩ ||
ನ ಸ್ತೋತ್ರಂ ದರ್ಶಯೇದ್ದೇವೀ ಮಮ ಹತ್ಯಾಕರೋ ಭವೇತ್ |
ತಸ್ಮಾಂನ ದಾಪಯೇದ್ದೇವೀ ಮನಸಾ ಕರ್ಮಣಾ ಗಿರಾ || ೩೪ ||
ಅನ್ಯಥಾ ಕುರುತೇ ಯಸ್ತು ಸ ಕ್ಷೀಣಾಯುರ್ಭವೇದ್ಧ್ರುವಮ್ |
ಪುತ್ರಹಾರೀ ಚ ಸ್ತ್ರೀಹಾರೀ ರಾಜ್ಯಹಾರೀ ಭವೇದ್ಧ್ರುವಮ್ || ೩೫ ||
ಮಂತ್ರಕ್ಷೋಭಶ್ಚ ಜಾಯತೇ ತಸ್ಯ ಮೃತ್ಯುರ್ಭವಿಷ್ಯತಿ |
ಕ್ರಮದೀಕ್ಷಾಯುತಾನಾಂ ಚ ಸಿದ್ಧಿರ್ಭವತಿ ನಾನ್ಯಥಾ || ೩೬ ||
ಕ್ರಮದೀಕ್ಷಾಯುತೋ ದೇವೀ ಕ್ರಮಾದ್ರಾಜ್ಯಮವಾಪ್ನುಯಾತ್ |
ಕ್ರಮದೀಕ್ಷಾಸಮಾಯುಕ್ತಃ ಕಲ್ಪೋಕ್ತಸಿದ್ಧಿಭಾಗ್ಭವೇತ್ || ೩೭ ||
ವಿಧೇರ್ಲಿಪಿಂ ತು ಸಮ್ಮಾರ್ಜ್ಯ ಕಿಂಕರತ್ವಂ ವಿಸೃಜ್ಯ ಚ |
ಸರ್ವಸಿದ್ಧಿಮವಾಪ್ನೋತಿ ನಾತ್ರ ಕಾರ್ಯಾ ವಿಚಾರಣಾ || ೩೮ ||
ಕ್ರಮದೀಕ್ಷಾಯುತೋ ದೇವೀ ಮಮ ಸಮೋ ನ ಸಂಶಯಃ |
ಗೋಪನೀಯಂ ಗೋಪನೀಯಂ ಗೋಪನೀಯಂ ಸದಾಽನಘೇ || ೩೯ ||
ಸ ದೀಕ್ಷಿತಃ ಸುಖೀ ಸಾಧುಃ ಸತ್ಯವಾದೀ ಜಿತೇಂದ್ರಯಃ |
ಸ ವೇದವಕ್ತಾ ಸ್ವಾಧ್ಯಾಯೀ ಸರ್ವಾನಂದಪರಾಯಣಃ || ೪೦ ||
ಸ್ವಸ್ಮಿನ್ ಲಲಿತಾಂ ಸಂಭಾವ್ಯ ಪೂಜಯೇಜ್ಜಗದಂಬಿಕಾಮ್ |
ತ್ರೈಲೋಕ್ಯವಿಜಯೀ ಭೂಯಾಂನಾತ್ರ ಕಾರ್ಯಾ ವಿಚಾರಣಾ || ೪೧ ||
ಗುರುರೂಪಂ ಶಿವಂ ಧ್ಯಾತ್ವಾ ಶಿವರೂಪಂ ಗುರುಂ ಸ್ಮರೇತ್ |
ಸದಾಶಿವಃ ಸ ಏವ ಸ್ಯಾಂನಾತ್ರ ಕಾರ್ಯಾ ವಿಚಾರಣಾ || ೪೨ ||
ಕನ್ನಡ ಅರ್ಥ
ಪೂರ್ವಪೀಠಿಕಾ (ಆಮುಖ)
ಕೈಲಾಸ ಶಿಖರದಲ್ಲಿ ನೆಲೆಸಿರುವ, ದೇವದೇವನಾದ, ಜಗತ್ತಿನ ಗುರುವಾದ, ಪರಮಾನಂದನಾದ, ಭೈರವಿಯ ಪರಮೇಶ್ವರನನ್ನು ಪ್ರಾರ್ಥಿಸಿದನು।
ಶ್ರೀ ಭೈರವಿಯು ಹೀಯುವಳು: "ಕೌಲೇಶ, ನಾನು ಲಲಿತೆಯ ಶತನಾಮ ಸ್ತೋತ್ರವನ್ನು ಕೇಳಲು ಬಯಸುತ್ತೇನೆ. ಅದು ಎಲ್ಲಾ ಮಂತ್ರಗಳಿಗಿಂತ ಉತ್ತಮವಾದದ್ದು, ಎಲ್ಲಾ ಕಾಮನೆಗಳನ್ನು ಪೂರೈಸುವಂಥದ್ದು।"
ಶ್ರೀ ಭೈರವನು ಹೇಳಿದನು: "ದೇವಿ ಮಹಾಭಾಗೆ, ನೀನು ಈ ಅತ್ಯುತ್ತಮ ಸ್ತೋತ್ರವನ್ನು ಕೇಳು. ಇದನ್ನು ಪಠಿಸುವುದರಿಂದ ಮತ್ತು ಧರಿಸುವುದರಿಂದ ಸರ್ವಸಿದ್ಧಿಗಳ ಪ್ರಭುವಾಗುತ್ತಾನೆ।"
ಧ್ಯಾನ ಶ್ಲೋಕ
ಬಾಲಾರ್ಕ ಮಂಡಲದ ಪ್ರಭೆಯನ್ನು ಹೊಂದಿರುವ, ನಾಲ್ಕು ಭುಜಗಳುಳ್ಳ, ಮೂರು ಕಣ್ಣುಗಳುಳ್ಳ, ಪಾಶ, ಅಂಕುಶ, ಧನುಸ್ಸು ಮತ್ತು ಬಾಣಗಳನ್ನು ಧರಿಸಿರುವ ಶಿವನನ್ನು ಭಜಿಸುವೆನು।
ಸ್ತೋತ್ರದ ಅರ್ಥ
ಲಕಾರ ನಾಮಾವಳಿ:
- ಲಲಿತಾ - ಸರಳಳಾದವಳು, ಲಕ್ಷ್ಮೀ - ಸಂಪತ್ತಿನ ದೇವತೆ, ಲೋಲಾಕ್ಷೀ - ಆಕರ್ಷಕ ನೋಟವುಳ್ಳವಳು
- ಲೋಲಾ - ತುಂಬಾ ಆಕರ್ಷಕಳಾದವಳು, ಲೋಮೇಶಾ - ಕೂದಲುಗಳ ದೇವತೆ
- ಲಾವಣ್ಯಾ - ಸೌಂದರ್ಯವುಳ್ಳವಳು, ಲಾಂಗಲೀ - ಆಕರ್ಷಕಳಾದವಳು
- ಲಜ್ಜಾ - ಲಜ್ಜೆಯಿಂದ ಕೂಡಿದವಳು, ಲಾಲಸಾ - ಇಚ್ಛೆಯುಳ್ಳವಳು
- ಲೋಕಮಾತಾ - ಲೋಕದ ತಾಯಿ, ಲೋಕಪೂಜ್ಯಾ - ಲೋಕದಿಂದ ಪೂಜಿತಳಾದವಳು
- ಲಿಂಗಗೀತಿ - ಲಿಂಗದ ಗೀತೆಯಾದವಳು, ಲಿಂಗಭವಾ - ಲಿಂಗದಿಂದ ಹುಟ್ಟಿದವಳು
- ಲತಾಪೂಜನರತಾ - ಲತೆಗಳ ಪೂಜೆಯಲ್ಲಿ ತೊಡಗಿದವಳು, ಲತಾಸಾಧಕತುಷ್ಟಿದಾ - ಸಾಧಕರನ್ನು ತೃಪ್ತಿಪಡಿಸುವವಳು
- ಲವಂಗಪುಷ್ಪಸಂತುಷ್ಟಾ - ಲವಂಗ ಪುಷ್ಪದಿಂದ ತೃಪ್ತಳಾದವಳು
- ಲಕಾರಾಕ್ಷರಪೂಜಿತಾ - ಲಕಾರ ಅಕ್ಷರದಿಂದ ಪೂಜಿತಳಾದವಳು
- ಲಕ್ಷಕೋಟಿರೂಪಧರಾ - ಲಕ್ಷ ಕೋಟಿ ರೂಪವುಳ್ಳವಳು, ಲೋಕಪಾಲೇನಾರ್ಚಿತಾ - ಲೋಕಪಾಲಕರಿಂದ ಪೂಜಿತಳಾದವಳು
- ಲೋಕಾತೀತಾ - ಲೋಕಕ್ಕಿಂತ ಮೀರಿದವಳು, ಲೋಪಾಮುದ್ರಾ - ಲೋಪಾಮುದ್ರೆಯಾದವಳು
- ಲಾಸ್ಯಪ್ರಿಯಾ - ಲಾಸ್ಯವನ್ನು ಪ್ರಿಯವಾಗಿಟ್ಟುಕೊಂಡವಳು, ಲಯಕರೀ - ಲಯವನ್ನು ಉಂಟುಮಾಡುವವಳು
- ಲಘಿಮಾದಿಸಿದ್ಧಿದಾತ್ರೀ - ಲಘಿಮಾ ಮೊದಲಾದ ಸಿದ್ಧಿಗಳನ್ನು ಕೊಡುವವಳು, ಲಾವಣ್ಯನಿಧಿದಾಯಿನೀ - ಸೌಂದರ್ಯ ನಿಧಿಯನ್ನು ಕೊಡುವವಳು
- ಲಕಾರವರ್ಣಗ್ರಥಿತಾ - ಲಕಾರ ವರ್ಣದಿಂದ ಕೂಡಿದವಳು, ಲಲಿತಾಂಬಿಕಾ - ಲಲಿತೆಯ ತಾಯಿ
ಫಲಶ್ರುತಿ (ಫಲದ ವಿವರಣೆ)
ಈ ಸ್ತೋತ್ರವನ್ನು ಪ್ರಾತಃಕಾಲ, ಮಧ್ಯಾಹ್ನ ಮತ್ತು ಸಾಯಂಕಾಲದಲ್ಲಿ ಧ್ಯಾನಪೂರ್ವಕವಾಗಿ ಪಠಿಸುವ ಸಾಧಕನು ತ್ರೈಲೋಕ್ಯದಲ್ಲಿ ವಿಜಯಿಯಾಗುತ್ತಾನೆ. ಎಲ್ಲಾ ಪಾಪಗಳಿಂದ ಬಿಡುಗಡೆ ಹೊಂದಿ ಲಲಿತೆಯ ಪಾದವನ್ನು ಪಡೆಯುತ್ತಾನೆ. ಶೂನ್ಯಾಗಾರ, ಶಿವಾರಣ್ಯ ಅಥವಾ ಶಿವ ದೇವಾಲಯಗಳಲ್ಲಿ ಪಠಿಸಿದರೆ ಎಲ್ಲಾ ಸಿದ್ಧಿಗಳು ಸಿಗುತ್ತವೆ.
ಅಶ್ವತ್ಥ ವೃಕ್ಷದ ಬುಡದಲ್ಲಿ ನೂರು ಬಾರಿ ಧ್ಯಾನಪೂರ್ವಕವಾಗಿ ಪಠಿಸಿದರೆ, ಆ ಕ್ಷಣದಲ್ಲೇ ಎಲ್ಲಾ ರೋಗಗಳು ನಾಶವಾಗುತ್ತವೆ. ಶ್ಮಶಾನದಲ್ಲಿ ಸಾವಿರ ಬಾರಿ ಪಠಿಸಿದರೆ ಲಕ್ಷ್ಮೀ ದೇವಿಯ ಕೃಪೆಯಿಂದ ಮೂರು ಲೋಕಗಳನ್ನು ವಶಪಡಿಸಿಕೊಳ್ಳಬಹುದು।
ಮಂತ್ರ ಸಂಪೂರ್ಣತೆ
ರಹಸ್ಯ: ಈ ಸ್ತೋತ್ರವನ್ನು ಗುಪ್ತವಾಗಿಡಬೇಕು. ಇದು ಕ್ರಮದೀಕ್ಷಾ ಸಾಧಕರಿಗೆ ವಿಶೇಷವಾಗಿ ಉಪಯುಕ್ತ। ನಿತ್ಯ ಪಂಚಪೂಜೆಯೊಂದಿಗೆ ಈ ಸ್ತೋತ್ರವನ್ನು ಪಠಿಸಿದರೆ, ಜಗತ್ತು ದಾಸನಂತೆ ವರ್ತಿಸುತ್ತದೆ।
ಸಂಸ್ಕೃತ ಮೂಲವನ್ನು ನೋಡಿ
ಸಂಸ್ಕೃತ ಮೂಲಪಾಠ
पूर्वपीठिका
कैलाशशिखरासीनं देवदेवं जगद्गुरुम् |
पप्रच्छेशं परानन्दं भैरवी परमेश्वरम् || १ ||
श्रीभैरव्युवाच |
कौलेश श्रोतुमिच्छामि सर्वमन्त्रोत्तमोत्तमम् |
ललिताया शतनाम सर्वकामफलप्रदम् || २ ||
श्रीभैरवोवाच |
शृणु देवी महाभागे स्तोत्रमेतदनुत्तमम् |
पठनाद्धारणादस्य सर्वसिद्धीश्वरो भवेत् || ३ ||
षट्कर्माणि च सिद्ध्यन्ति स्तवस्यास्य प्रसादतः |
गोपनीयं पशोरग्रे स्वयोनिमपरे यथा || ४ ||
ललिताया लकारादि नामशतकस्य देवी |
राजराजेश्वरो ऋषिः प्रोक्तो छन्दोऽनुष्टुप् तथा || ५ ||
देवता ललितादेवी षट्कर्मसिद्ध्यर्थे तथा |
धर्मार्थकाममोक्षेषु विनियोगः प्रकीर्तितः || ६ ||
वाक्-काम-शक्तिबीजेन करषडङ्गमाचरेत् |
प्रयोगे बालात्र्यक्षरी योजयित्वा जपं चरेत् || ७ ||
अस्य श्री ललिता लकारादि शतनाममालामन्त्रस्य श्रीराजराजेश्वरो ऋषिः अनुष्टुप् छन्दः श्रीललितादेवी देवता षट्कर्मसिद्ध्यर्थे धर्मार्थकाममोक्षार्थे पाठे विनियोगः |
करन्यासः
ओम् ऐं अङ्गुष्ठाभ्यां नमः |
ओं क्लीं तर्जनीभ्यां नमः |
ओं सौः मध्यमाभ्यां नमः |
ओं ऐं अनामिकाभ्यां नमः |
ओं क्लीं कनिष्ठिकाभ्यां नमः |
ओं सौः करतलकरपृष्ठाभ्यां नमः |
अङ्गन्यासः
ओम् ऐं हृदयाय नमः |
ओं क्लीं शिरसे स्वाहा |
ओं सौः शिखायै वषट् |
ओं ऐं कवचाय हुम् |
ओं क्लीं नेत्रत्रयाय वौषट् |
ओं सौः अस्त्राय फट् |
ध्यानम्
बालार्कमण्डलाभासां चतुर्बाहुं त्रिलोचनाम् |
पाशांकुशधनुर्बाणान् धारयन्तीं शिवां भजे |
स्तोत्रम्
ललिता लक्ष्मी लोलाक्षी लक्ष्मणा लक्ष्मणार्चिता |
लक्ष्मणप्राणरक्षिणी लाकिनी लक्ष्मणप्रिया || १ ||
लोला लकारा लोमेशा लोलजिह्वा लज्जावती |
लक्ष्या लाक्ष्या लक्षरता लकाराक्षरभूषिता || २ ||
लोललयात्मिका लीला लीलावती च लाङ्गली |
लावण्यामृतसारा च लावण्यामृतदीर्घिका || ३ ||
लज्जा लज्जामती लज्जा ललना ललनप्रिया |
लवणा लवली लसा लाक्षकी लुभ्धा लालसा || ४ ||
लोकमाता लोकपूज्या लोकजननी लोलुपा |
लोहिता लोहिताक्षी च लिङ्गाख्या चैव लिङ्गेशी || ५ ||
लिङ्गगीति लिङ्गभवा लिङ्गमाला लिङ्गप्रिया |
लिङ्गाभिधायिनी लिङ्गा लिङ्गनामसदानन्दा || ६ ||
लिङ्गामृतप्रीता लिङ्गार्चनप्रीता लिङ्गपूज्या |
लिङ्गरूपा लिङ्गस्था च लिङ्गालिङ्गनतत्परा || ७ ||
लतापूजनरता च लतासाधकतुष्टिदा |
लतापूजकरक्षिणी लतासाधनसिद्धिदा || ८ ||
लतागृहनिवासिनी लतापूज्या लताराध्या |
लतापुष्पा लतारता लताधारा लतामयी || ९ ||
लतास्पर्शनसंतुष्टा लताऽऽलिंगनहर्षिता |
लताविद्या लतासारा लताऽऽचारा लतानिधी || १० ||
लवङ्गपुष्पसंतुष्टा लवङ्गलतामध्यस्था |
लवङ्गलतिकारूपा लवङ्गहोमसंतुष्टा || ११ ||
लकाराक्षारपूजिता च लकारवर्णोद्भवा |
लकारवर्णभूषिता लकारवर्णरुचिरा || १२ ||
लकारबीजोद्भवा तथा लकाराक्षरस्थिता |
लकारबीजनिलया लकारबीजसर्वस्वा || १३ ||
लकारवर्णसर्वाङ्गी लक्ष्यछेदनतत्परा |
लक्ष्यधरा लक्ष्यघूर्णा लक्षजापेनसिद्धिदा || १४ ||
लक्षकोटिरूपधरा लक्षलीलाकलालया |
लोकपालेनार्चिता च लाक्षारागविलेपना || १५ ||
लोकातीता लोपामुद्रा लज्जाबीजस्वरूपिणी |
लज्जाहीना लज्जामयी लोकयात्राविधायिनी || १६ ||
लास्यप्रिया लयकरी लोकलया लम्बोदरी |
लघिमादिसिद्धिदात्री लावण्यनिधिदायिनी |
लकारवर्णग्रथिता लम्बीजा ललिताम्बिका || १७ ||
फल श्रुति
इति ते कथितं देवी गुह्याद्गुह्यतरं परम् |
प्रातःकाले च मध्याह्ने सायाह्ने च सदा निशि |
यः पठेत् साधकश्रेष्ठो त्रैलोक्यविजयी भवेत् || १ ||
सर्वपापविनिर्ममुक्तः स याति ललितापदम् |
शून्यागारे शिवारण्ये शिवदेवालये तथा || २ ||
शून्यदेशे तडागे च नदीतीरे चतुष्पथे |
एकलिङ्गे ऋतुस्नातागेहे वेश्यागृहे तथा || ३ ||
पठेदष्टोत्तरशतनामानि सर्वसिद्धये |
साधको वाञ्छां यत्कुर्यात् तत्तथैव भविष्यति || ४ ||
ब्रह्माण्डगोलके याश्च याः काश्चिज्जगतीतले |
समस्ताः सिद्धयो देवी करामलकवत्सदा || ५ ||
साधकस्मृतिमात्रेण यावन्त्यः सन्ति सिद्धयः |
स्वयमायान्ति पुरतो जपादीनां तु का कथा || ६ ||
अयुतावर्तनाद्देवी पुरश्चर्याऽस्य गीयते |
पुरश्चर्यायुतः स्तोत्रः सर्वकर्मफलप्रदः || ७ ||
सहस्रं च पठेद्यस्तु मासार्धं साधकोत्तमः |
दासीभूतं जगत्सर्वं मासार्धाद्भवति ध्रुवम् || ८ ||
नित्यं प्रतिनाम्नः हुत्वा पलाशकुसुमैर्नरः |
भूलोकस्थाः सर्वकन्याः सर्वलोकस्थितास्तथा || ९ ||
पातालस्थाः सर्वकन्याः नागकन्याः यक्षकन्याः |
वशीकुर्यान्मण्डलार्धात्संशयो नात्र विद्यते || १० ||
अश्वत्थमूले पठेत् शतवारं ध्यानपूर्वकम् |
तत् क्षणाद्व्याधिनाशश्च भवेद्देवी न संशयः || ११ ||
शून्यागारे पठेत् स्तोत्रं सहस्रं ध्यानपूर्वकम् |
लक्ष्मी प्रसीदति ध्रुवं स त्रैलोक्यं वशिष्यति || १२ ||
प्रेतवस्त्रं भौमे ग्राह्यं रिपुनां च वेष्टितम् |
प्राणप्रतिष्ठां कृत्वा तु पूजां चैव हि कारयेत् || १३ ||
श्मशाने निखेद्रात्रौ द्विसहस्रं पठेत्ततः |
जिह्वास्तम्भनमाप्नोति सद्यो मूकत्वमाप्नुयात् || १४ ||
श्मशाने च पठेत् स्तोत्रं अयुतार्धं सुबुद्धिमान् |
शत्रुक्षयो भवेत् सद्यो नान्यथा मम भाषितम् || १५ ||
प्रेतवस्त्रं शनौ ग्राह्यं प्रतिनाम्ना संपुटितम् |
शत्रुनाम लिखित्वा च प्राणप्रतिष्ठां कारयेत् || १६ ||
ततः ललितां संपूज्य कृष्णधत्तूरपुष्पकैः |
श्मशाने निखेद्रात्रौ शतवारं पठेत् स्तोत्रम् || १७ ||
ततो मृत्युमवाप्नोति देवराजसमोऽपि सः |
श्मशानाङ्गारमादाय मङ्गले शनिवारे वा || १८ ||
प्रेतवस्त्रेण संवेष्ट्य बध्नीयात् प्रेतरज्जुना |
दशाभिमन्त्रितं कृत्वा खनेद्वैरिवेश्मनि || १९ ||
सप्तरात्रान्तरे तस्योच्चाटनं भ्रामणं भवेत् |
कुमारीं पूजयित्वा तु यः पठेद्भक्तितत्परः || २० ||
न किञ्चिद्दुर्लभं तस्य दिवि वा भुवि मोदते |
दुर्भिक्षे राजपीडायां सङ्ग्रामे वैरिमध्यके || २१ ||
यत्र यत्र भयं प्राप्तः सर्वत्र प्रपठेन्नरः |
तत्र तत्राभयं तस्य भवत्येव न संशयः || २२ ||
वामपार्श्वे समानीय शोधितां वरकामिनीम् |
जपं कृत्वा पठेद्यस्तु तस्य सिद्धिः करे स्थिता || २३ ||
दरिद्रस्तु चतुर्दश्यां कामिनीसंगमैः सह |
अष्टवारं पठेद्यस्तु कुबेरसदृशो भवेत् || २४ ||
श्रीललितां महादेवी नित्यं संपूज्य मानवः |
प्रतिनाम्ना जुहुयात्स धनराशिमवाप्नुयात् || २५ ||
नवनीतं चाभिमन्त्र्य स्त्रीभ्यो दद्यान्महेश्वरी |
वन्ध्यां पुत्रप्रदं देवी नात्र कार्या विचारणा || २६ ||
कण्ठे वा वामबाहौ वा योनौ वा धारणाच्छिवे |
बहुपुत्रवती नारी सुभगा जायते ध्रुवम् || २७ ||
उग्र उग्रं महदुग्रं स्तवमिदं ललितायाः |
सुविनीताय शान्ताय दान्तायातिगुणाय च || २८ ||
भक्ताय ज्येष्ठपुत्राय गुरुभक्तिपराय च |
भक्तभक्ताय योग्याय भक्तिशक्तिपराय च || २९ ||
वेश्यापूजनयुक्ताय कुमारीपूजकाय च |
दुर्गाभक्ताय शैवाय कामेश्वरप्रजापिने || ३० ||
अद्वैतभावयुक्ताय शक्तिभक्तिपराय च |
प्रदेयं शतनामाख्यं स्वयं ललिताज्ञया || ३१ ||
खलाय परतन्त्राय परनिन्दापराय च |
भ्रष्टाय दुष्टतत्त्वाय परीवादपराय च || ३२ ||
शिवाभक्ताय दुष्टाय परदाररताय च |
वेश्यास्त्रीनिन्दकाय च पञ्चमकारनिन्दके || ३३ ||
न स्तोत्रं दर्शयेद्देवी मम हत्याकरो भवेत् |
तस्मान्न दापयेद्देवी मनसा कर्मणा गिरा || ३४ ||
अन्यथा कुरुते यस्तु स क्षीणायुर्भवेद्ध्रुवम् |
पुत्रहारी च स्त्रीहारी राज्यहारी भवेद्ध्रुवम् || ३५ ||
मन्त्रक्षोभश्च जायते तस्य मृत्युर्भविष्यति |
क्रमदीक्षायुतानां च सिद्धिर्भवति नान्यथा || ३६ ||
क्रमदीक्षायुतो देवी क्रमाद्राज्यमवाप्नुयात् |
क्रमदीक्षासमायुक्तः कल्पोक्तसिद्धिभाग्भवेत् || ३७ ||
विधेर्लिपिं तु सम्मार्ज्य किंकरत्वं विसृज्य च |
सर्वसिद्धिमवाप्नोति नात्र कार्या विचारणा || ३८ ||
क्रमदीक्षायुतो देवी मम समो न संशयः |
गोपनीयं गोपनीयं गोपनीयं सदाऽनघे || ३९ ||
स दीक्षितः सुखी साधुः सत्यवादी जितेन्द्रियः |
स वेदवक्ता स्वाध्यायी सर्वानन्दपरायणः || ४० ||
स्वस्मिन् ललितां संभाव्य पूजयेज्जगदम्बिकाम् |
त्रैलोक्यविजयी भूयानात्र कार्या विचारणा || ४१ ||
गुरुरूपं शिवं ध्यात्वा शिवरूपं गुरुं स्मरेत् |
सदाशिवः स एव स्याम्नात्र कार्या विचारणा || ४२ ||