೨
ಅಸ್ಯ ಶ್ರೀಶ್ಯಾಮಲಾಷ್ಟೋತ್ತರಶತನಾಮಸ್ತೋತ್ರ ಮಹಾಮಂತ್ರಸ್ಯ, ಮಹಾಭೈರವ ಋಷಿಃ, ಅನುಷ್ಟುಪ್ ಛಂದಃ, ಶ್ರೀಮಾತಂಗೀಶ್ವರೀ ದೇವತಾ, ಆದಿಶಕ್ತಿರಿತಿ ಬೀಜಂ, ಸರ್ವಕಾಮಪ್ರದೇತಿ ಶಕ್ತಿಃ, ಪರಂಜ್ಯೋತಿಃ ಸ್ವರೂಪಿಣೀತಿ ಕೀಲಕಂ, ಶ್ಯಾಮಲಾಷ್ಟೋತ್ತರಶತನಾಮ ಜಪೇ ವಿನಿಯೋಗಃ
ನಮಸ್ತೇಽಸ್ತು ಜಗದ್ಧಾತ್ರಿ ಮಾತಂಗೀಶ್ವರಿ ತೇ ನಮಃ |
ಶ್ಯಾಮಲೇ ಜಗದೀಶಾನೇ ನಮಸ್ತೇ ಪರಮೇಶ್ವರೀ || ೧ ||
ನಮಸ್ತೇಽಸ್ತು ಮಹಾಕೃಷ್ಣೇ ಸರ್ವಭೂಷಣಸಂಯುತೇ |
ಮಹಾದೇವಿ ಮಹೇಶಾನಿ ಮಹಾದೇವಪ್ರಿಯೇ ನಮಃ || ೨ ||
ಆದಿಶಕ್ತಿರ್ಮಹಾಶಕ್ತಿಃ ಪರಾಶಕ್ತಿಃ ಪರಾತ್ಪರೇ |
ಬ್ರಹ್ಮಶಕ್ತೇ ವಿಷ್ಣುಶಕ್ತೇ ಶಿವಶಕ್ತೇ ನಮೋ ನಮಃ || ೩ ||
ನಮೋಽಮೃತೇಶ್ವರೀ ದೇವಿ ನಮಃ ಪರಶಿವಪ್ರಿಯೇ |
ಬ್ರಹ್ಮರೂಪೇ ವಿಷ್ಣುರೂಪೇ ಶಿವರೂಪೇ ನಮೋಽಸ್ತು ತೇ || ೪ ||
ಸರ್ವಕಾಮಪ್ರದೇ ತುಭ್ಯಂ ಸರ್ವಸಿದ್ಧಿಪ್ರದೇ ನಮಃ |
ಸರ್ವಸಂಪತ್ಪ್ರದೇ ನೄಣಾಂ ಸರ್ವರಾಜಸುಶಂಕರಿ || ೫ ||
ಸ್ತ್ರೀವಶಂಕರಿ ವಂದೇ ತ್ವಾಂ ನಮೋ ನರವಶಂಕರಿ |
ದೇವಮೋಹಿನಿ ಸೇವೇ ತ್ವಾಂ ಸರ್ವಸತ್ತ್ವವಶಂಕರಿ || ೬ ||
ನಮಃ ಶಾಂಕರಿ ವಾಗ್ದೇವಿ ಸರ್ವಲೋಕವಶಂಕರೀ |
ಸರ್ವಾಭೀಷ್ಟಪ್ರದೇ ನಿತ್ಯೇ ನಮೋ ಮಾತಂಗಕನ್ಯಕೇ || ೭ ||
ನಮೋ ನೀಲೋತ್ಪಲಪ್ರಖ್ಯೇ ನಮೋ ಮರಕತಪ್ರಭೇ |
ನೀಲಮೇಘಪ್ರತೀಕಾಶೇ ಇಂದ್ರನೀಲಸಮಪ್ರಭೇ || ೮ ||
ನಮಶ್ಚಂಡ್ಯಾದಿದೇವೇಶಿ ದಿವ್ಯನಾರೀವಶಂಕರೀ |
ನಮಸ್ತೇ ಮಾತೃಸಂಸ್ತುತ್ಯೇ ಜಯೇ ತೇ ವಿಜಯೇ ನಮಃ || ೯ ||
ಭೂಷಿತಾಂಗಿ ಮಹಾಶ್ಯಾಮೇ ಮಹಾರಾಮೇ ಮಹಾಪ್ರಭೇ |
ಮಹಾವಿಷ್ಣುಪ್ರಿಯಕರೀ ಸದಾಶಿವಮಹಾಪ್ರಿಯೇ || ೧೦ ||
ರುದ್ರಾಣೀ ಸರ್ವಪಾಪಘ್ನೀ ಕಾಮೇಶ್ವರಿ ನಮೋಽಸ್ತು ತೇ |
ಶುಕಶ್ಯಾಮೇ ಲಘುಶ್ಯಾಮೇ ರಾಜವಶ್ಯಕರೀ ನಮಃ || ೧೧ ||
ವೀಣಾಹಸ್ತೇ ನಮಸ್ತುಭ್ಯಂ ನಮೋ ಗೀತರತೇ ಸದಾ |
ಸರ್ವವಿದ್ಯಾಪ್ರದೇ ತುಭ್ಯಂ ನಮಃ ಶಕ್ತ್ಯಾದಿಪೂಜಿತೇ || ೧೨ ||
ಭಜೇಽಹಂ ವೇದಗೀತೇ ತ್ವಾಂ ದೇವಗೀತೇ ನಮೋ ನಮಃ |
ಶಂಖಕುಂಡಲಸಂಯುಕ್ತೇ ಬಿಂಬೋಷ್ಠೀ ತ್ವಾಂ ಭಜಾಮ್ಯಹಮ್ || ೧೩ ||
ರಕ್ತವಸ್ತ್ರಪರೀಧಾನೇ ಗೃಹೀತಮಧುಪಾತ್ರಕೇ |
ಮಧುಪ್ರಿಯೇ ನಮಸ್ತುಭ್ಯಂ ಮಧುಮಾಂಸಬಲಿಪ್ರಿಯೇ || ೧೪ ||
ರಕ್ತಾಕ್ಷೀ ಘಾರ್ಣಮಾನಾಕ್ಷೀ ಸ್ಮಿತೇಂದುಮುಖಿ ಸಂಸ್ತುತೇ |
ಕಸ್ತೂರೀತಿಲಕೋಪೇತೇ ಚಂದ್ರಶೀರ್ಷೇ ಜಗನ್ಮಯೇ || ೧೫ ||
ನಮಸ್ತುಭ್ಯಂ ಮಹಾಲಕ್ಷ್ಮಿ ಕದಂಬವನಸಂಸ್ಥಿತೇ |
ಮಹಾವಿದ್ಯೇ ನಮಸ್ತುಭ್ಯಂ ಸ್ತನಭಾರವಿರಾಜಿತೇ || ೧೬ ||
ಹರಹರ್ಯಾದಿಸಂಸ್ತುತ್ಯೇ ಸ್ಮಿತಾಸ್ಯೇ ತ್ವಾಂ ಭಜಾಮ್ಯಹಮ್ |
ನಮಃ ಕಳ್ಯಾಣದೇ ಪುಂಸಾಂ ಕಳ್ಯಾಣಿ ಕಮಲಾಲಯೇ || ೧೭ ||
ಮಹಾದಾರಿದ್ರ್ಯಸಂಹರ್ತ್ರೀ ಮಹಾಪಾತಕದಾಹಿನೀ |
ಮಹಾಜ್ಞಾನಪ್ರದೇ ನೄಣಾಂ ಮಹಾಸೌಂದರ್ಯದೇ ನಮಃ || ೧೮ ||
ಮಹಾಮುಕ್ತಿಪ್ರದೇ ವಾಣಿ ಪರಂಜ್ಯೋತಿಃ ಸ್ವರೂಪಿಣಿ |
ಚಿದಾನಂದಾತ್ಮಿಕೇ ತುಭ್ಯಂ ನಮೋಽಲಕ್ಷ್ಮೀವಿನಾಶಿನಿ || ೧೯ ||
ಭಕ್ತಾಽಭಯಪ್ರದೇ ನಿತ್ಯಮಾಪಂನಾಶಿನಿ ತೇ ನಮಃ |
ನಮಸ್ತೇಽಸ್ತು ಸಹಸ್ರಾಕ್ಷಿ ಸಹಸ್ರಭುಜಧಾರಿಣೀ || ೨೦ ||
ಮಹ್ಯಾಃ ಶುಭಪ್ರದೇ ತುಭ್ಯಂ ಭಕ್ತಾನಾಂ ಮಂಗಳಪ್ರದೇ |
ನಮೋಽಸ್ತ್ವಶುಭಸಂಹರ್ತ್ರೀ ಭಕ್ತಾಷ್ಟೈಶ್ವರ್ಯದೇ ನಮಃ || ೨೧ ||
ನಮೋ ದೇವ್ಯೈ ನಮಸ್ತುಭ್ಯಂ ನಮಸ್ತೇ ಮುಖರಂಜಿನೀ |
ಜಗನ್ಮಾತರ್ನಮಸ್ತುಭ್ಯಂ ನಮಸ್ತೇ ಸರ್ವನಾಯಿಕೇ || ೨೨ ||
ನಮಃ ಪರಾಪರಕಳೇ ಪರಮಾತ್ಮಪ್ರಿಯೇ ನಮಃ |
ನಮಸ್ತೇ ರಾಜಮಾತಂಗೀ ನಮಸ್ತುಭ್ಯಂ ನಮೋಽಸ್ತು ತೇ || ೨೩ ||
ಫಲಶ್ರುತಿಃ –
ನಾಮ್ನಾಮಷ್ಟೋತ್ತರಂ ಪುಣ್ಯಂ ಶ್ಯಾಮಲಾಯಾ ಇತೀರಿತಮ್ |
ಪ್ರಜಪೇದ್ಯೋ ನರೋ ಭಕ್ತ್ಯಾ ಸರ್ವಪಾಪೈರ್ವಿಮುಚ್ಯತೇ || ೨೪ ||
ವ್ಯಾಚಷ್ಟೇ ಸರ್ವಶಾಸ್ತ್ರಾಣಿ ಮಹಾವಾಗೀಶ್ವರೋ ಭವೇತ್ |
ಸಕೃಚ್ಛ್ರವಣಮಾತ್ರೇಣ ಗುಹ್ಯಾದ್ದ್ವೇ ಚ ಚತುಷ್ಟಯಮ್ || ೨೫ ||
ಸರ್ವಲೋಕಾನ್ ವಶೀಕುರ್ಯಾತ್ ಕಾಂತ್ಯಾ ವಿಷ್ಣುಸಮೋ ಭವೇತ್ |
ಲಭತೇ ಮಹತೀಂ ಲಕ್ಷ್ಮೀಂ ದೈವತೈರತಿದುರ್ಲಭಾಮ್ || ೨೬ ||
ಅಣಿಮಾದಿಗುಣೈಶ್ವರ್ಯಂ ಸ ಲಭೇಚ್ಛೀಘ್ರಮೇವ ಹಿ |
ಜಾತಿಸ್ಮೃತಿರ್ಭವೇಚ್ಛೀಘ್ರಂ ಸರ್ವವಿದ್ಯಾನಿಧಿರ್ಭವೇತ್ || ೨೭ ||
ಪ್ರಾಪ್ನೋತಿ ಪರಮಂ ಜ್ಞಾನಂ ಸರ್ವದಾ ಸುಖಮಶ್ನುತೇ |
ಸರ್ವತ್ರ ಸ ಭವೇತ್ ಪೂಜ್ಯಃ ಸರ್ವತ್ರ ವಿಜಯೀ ಭವೇತ್ || ೨೮ ||
ಭೂತಪ್ರೇತಪಿಶಾಚಾದಿ ಭಯಂ ತಸ್ಯ ನ ಜಾಯತೇ |
ಮಹತೀಂ ಕೀರ್ತಿಮಾಪ್ನೋತಿ ಲಭೇದ್ಯೋಗಮನುತ್ತಮಮ್ || ೨೯ ||
ಘಟಿಕಾಪಾದುಕಾದ್ಯಷ್ಟಸಿದ್ಧಿನಾಥೋ ಭವೇದಯಮ್ |
ಮಂಗಳಾನಿ ಭವೇಂನಿತ್ಯಂ ಸ ಮಹಾಪಂಡಿತೋ ಭವೇತ್ || ೩೦ ||
ಲಭತೇ ಮಹದಾಯುಷ್ಯಂ ಲೋಕಸಮ್ಮೋಹನೋ ಭವೇತ್ |
ಲಭೇದಂತೇ ಮಹಾದೇವರೂಪಂ ನಾತ್ರ ವಿಚಾರಣಾ || ೩೧ ||
ಕನ್ನಡ ಅರ್ಥ
ಶ್ರೀ ಶ್ಯಾಮಲಾ / ಮಾತಂಗೀ ದೇವಿ:
ಶ್ರೀ ಶ್ಯಾಮಲಾ ದೇವಿಯು ದಶ ಮಹಾವಿದ್ಯೆಯರಲ್ಲಿ ಒಬ್ಬರಾದ ಮಾತಂಗೀ ದೇವಿಯ ಅಭಿವ್ಯಕ್ತಿ. ಇವಳು ವಾಗ್ದೇವತೆ, ಸಂಗೀತ ಮತ್ತು ಕಲೆಗಳ ದೇವತೆ. ಇವಳು ವೀಣೆಯನ್ನು ಹಿಡಿದಿರುವ, ನೀಲಿ ಬಣ್ಣದ ಅಥವಾ ಶ್ಯಾಮಲ ವರ್ಣದ ದೇವತೆ. ಇವಳು ಜ್ಞಾನ, ವಿದ್ಯೆ, ಕವಿತೆ ಮತ್ತು ಸರ್ವಕಲಾಶಕ್ತಿಯ ಪ್ರತೀಕ.
ಮುಖ್ಯ ನಾಮಗಳ ಅರ್ಥ:
೧. ಜಗದ್ಧಾತ್ರಿ - ಜಗತ್ತಿನ ತಾಯಿ
೨. ಮಾತಂಗೀಶ್ವರಿ - ಮಾತಂಗ ಕುಲದ ಈಶ್ವರಿ
೩. ಶ್ಯಾಮಲೇ - ಶ್ಯಾಮಲ ವರ್ಣದವಳು
೪. ಮಹಾಕೃಷ್ಣೇ - ಮಹಾನ್ ಕಪ್ಪು ವರ್ಣದವಳು
೫. ಆದಿಶಕ್ತಿಃ - ಆದಿ ಶಕ್ತಿ
೬. ಮಹಾಶಕ್ತಿಃ - ಮಹಾಶಕ್ತಿ
೭. ಪರಾಶಕ್ತಿಃ - ಪರಮ ಶಕ್ತಿ
೮. ಬ್ರಹ್ಮಶಕ್ತಿ, ವಿಷ್ಣುಶಕ್ತಿ, ಶಿವಶಕ್ತಿ - ಬ್ರಹ್ಮ, ವಿಷ್ಣು, ಶಿವರ ಶಕ್ತಿ
೯. ಸರ್ವಕಾಮಪ್ರದೇ - ಎಲ್ಲಾ ಕಾಮನೆಗಳನ್ನು ಪೂರೈಸುವವಳು
೧೦. ಸರ್ವಸಿದ್ಧಿಪ್ರದೇ - ಎಲ್ಲಾ ಸಿದ್ಧಿಗಳನ್ನು ಕೊಡುವವಳು
೧೧. ವಾಗ್ದೇವಿ - ವಾಕ್ ದೇವತೆ
೧೨. ಸರ್ವಲೋಕವಶಂಕರೀ - ಎಲ್ಲಾ ಲೋಕಗಳನ್ನು ವಶಪಡಿಸಿಕೊಳ್ಳುವವಳು
೧೩. ವೀಣಾಹಸ್ತೇ - ವೀಣೆಯನ್ನು ಹಿಡಿದಿರುವವಳು
೧೪. ಸರ್ವವಿದ್ಯಾಪ್ರದೇ - ಎಲ್ಲಾ ವಿದ್ಯೆಗಳನ್ನು ಕೊಡುವವಳು
೧೫. ರಕ್ತವಸ್ತ್ರಪರೀಧಾನೇ - ಕೆಂಪು ವಸ್ತ್ರವನ್ನು ಧರಿಸಿರುವವಳು
೧೬. ಮಧುಪ್ರಿಯೇ - ಮಧುವನ್ನು ಇಷ್ಟಪಡುವವಳು
೧೭. ಕಸ್ತೂರೀತಿಲಕೋಪೇತೇ - ಕಸ್ತೂರಿ ತಿಲಕವನ್ನು ಧರಿಸಿರುವವಳು
೧೮. ಮಹಾಲಕ್ಷ್ಮಿ - ಮಹಾಲಕ್ಷ್ಮಿ ರೂಪದವಳು
೧೯. ಮಹಾವಿದ್ಯೇ - ಮಹಾವಿದ್ಯೆ
೨೦. ಚಿದಾನಂದಾತ್ಮಿಕೇ - ಚಿತ್ತಾನಂದದ ಸ್ವರೂಪ
೨೧. ಸಹಸ್ರಾಕ್ಷಿ - ಸಾವಿರ ಕಣ್ಣುಗಳವಳು
೨೨. ರಾಜಮಾತಂಗೀ - ರಾಜ ಮಾತಂಗೀ
ಫಲಶ್ರುತಿ ಅರ್ಥ:
ಈ ಶ್ಯಾಮಲಾ ಅಷ್ಟೋತ್ತರ ಶತನಾಮ ಸ್ತೋತ್ರವನ್ನು ಭಕ್ತಿಯಿಂದ ಜಪಿಸುವ ವ್ಯಕ್ತಿಯು ಎಲ್ಲಾ ಪಾಪಗಳಿಂದ ಮುಕ್ತನಾಗುತ್ತಾನೆ. ಈತನು ಎಲ್ಲಾ ಶಾಸ್ತ್ರಗಳನ್ನು ಅರಿಯುವ ಮಹಾವಾಗೀಶ್ವರನಾಗುತ್ತಾನೆ. ಸರ್ವಲೋಕಗಳನ್ನು ವಶಪಡಿಸಿಕೊಳ್ಳುವ ಶಕ್ತಿಯನ್ನು ಪಡೆಯುತ್ತಾನೆ. ಅಣಿಮಾದಿ ಅಷ್ಟಸಿದ್ಧಿಗಳನ್ನು ಪಡೆಯುತ್ತಾನೆ. ಸರ್ವವಿದ್ಯೆಗಳ ನಿಧಿಯಾಗುತ್ತಾನೆ. ಪರಮ ಜ್ಞಾನವನ್ನು ಪಡೆಯುತ್ತಾನೆ. ಭೂತ, ಪ್ರೇತ, ಪಿಶಾಚಾದಿಗಳಿಂದ ಭಯವುಂಟಾಗುವುದಿಲ್ಲ. ಮಹತ್ ಕೀರ್ತಿಯನ್ನು ಪಡೆಯುತ್ತಾನೆ. ದೀರ್ಘಾಯುಷ್ಯವನ್ನು ಪಡೆಯುತ್ತಾನೆ.
ಸಂಸ್ಕೃತ ಮೂಲವನ್ನು ನೋಡಿ
ಸಂಸ್ಕೃತ ಮೂಲಪಾಠ
अस्य श्रीश्यामलाष्टोत्तरशतनामस्तोत्र महामन्त्रस्य, महाभैरव ऋषिः, अनुष्टुप् छन्दः, श्रीमातङ्गीश्वरी देवता, आदिशक्तिरिति बीजं, सर्वकामप्रदेति शक्तिः, परञ्ज्योतिः स्वरूपिणीति कीलकं, श्यामलाष्टोत्तरशतनाम जपे विनियोगः
नमस्तेऽस्तु जगद्धात्रि मातङ्गीश्वरि ते नमः |
श्यामले जगदीशाने नमस्ते परमेश्वरी || १ ||
नमस्तेऽस्तु महाकृष्णे सर्वभूषणसंयुते |
महादेवि महेशानि महादेवप्रिये नमः || २ ||
आदिशक्तिर्महाशक्तिः पराशक्तिः परात्परे |
ब्रह्मशक्ते विष्णुशक्ते शिवशक्ते नमो नमः || ३ ||
नमोऽमृतेश्वरी देवी नमः परशिवप्रिये |
ब्रह्मरूपे विष्णुरूपे शिवरूपे नमोऽस्तु ते || ४ ||
सर्वकामप्रदे तुभ्यं सर्वसिद्धिप्रदे नमः |
सर्वसम्पत्प्रदे नॄणां सर्वराजसुशंकरि || ५ ||
स्त्रीवशंकरि वन्दे त्वां नमो नरवशंकरि |
देवमोहिनि सेवे त्वां सर्वसत्त्ववशंकरि || ६ ||
नमः शांकरि वाग्देवी सर्वलोकवशंकरी |
सर्वाभीष्टप्रदे नित्ये नमो मातङ्गकन्यके || ७ ||
नमो नीलोत्पलप्रख्ये नमो मरकतप्रभे |
नीलमेघप्रतीकाशे इन्द्रनीलसमप्रभे || ८ ||
नमश्चंड्यादिदेवेशि दिव्यनारीवशंकरी |
नमस्ते मातृसंस्तुत्ये जये ते विजये नमः || ९ ||
भूषिताङ्गि महाश्यामे महारामे महाप्रभे |
महाविष्णुप्रियकरी सदाशिवमहाप्रिये || १० ||
रुद्राणी सर्वपापघ्नी कामेश्वरी नमोऽस्तु ते |
शुकश्यामे लघुश्यामे राजवश्यकरी नमः || ११ ||
वीणाहस्ते नमस्तुभ्यं नमो गीतरते सदा |
सर्वविद्याप्रदे तुभ्यं नमः शक्त्यादिपूजिते || १२ ||
भजेऽहं वेदगीते त्वां देवगीते नमो नमः |
शंखकुण्डलसंयुक्ते बिम्बोष्ठी त्वां भजाम्यहम् || १३ ||
रक्तवस्त्रपरीधाने गृहीतमधुपात्रके |
मधुप्रिये नमस्तुभ्यं मधुमांसबलिप्रिये || १४ ||
रक्ताक्षी घर्मानाक्षी स्मितेन्दुमुखि संस्तुते |
कस्तूरीतिलकोपेते चन्द्रशीर्षे जगन्मये || १५ ||
नमस्तुभ्यं महालक्ष्मि कदम्बवनसंस्थिते |
महाविद्ये नमस्तुभ्यं स्तनभारविराजिते || १६ ||
हरहर्यादिसंस्तुत्ये स्मितास्ये त्वां भजाम्यहम् |
नमः कळ्याणदे पुंसां कळ्याणि कमलालये || १७ ||
महादारिद्र्यसंहर्त्री महापातकदाहिनी |
महाज्ञानप्रदे नॄणां महासौन्दर्यदे नमः || १८ ||
महामुक्तिप्रदे वाणी परञ्ज्योतिः स्वरूपिणि |
चिदानन्दात्मिके तुभ्यं नमोऽलक्ष्मीविनाशिनि || १९ ||
भक्ताऽभयप्रदे नित्यमापनाशिनि ते नमः |
नमस्तेऽस्तु सहस्राक्षि सहस्रभुजधारिणी || २० ||
मह्याः शुभप्रदे तुभ्यं भक्तानां मङ्गलप्रदे |
नमोऽस्तुशुभसंहर्त्री भक्ताष्टैश्वर्यदे नमः || २१ ||
नमो देव्यै नमस्तुभ्यं नमस्ते मुखरञ्जिनी |
जगन्मातर्नमस्तुभ्यं नमस्ते सर्वनायिके || २२ ||
नमः परापरकले परमात्मप्रिये नमः |
नमस्ते राजमातङ्गी नमस्तुभ्यं नमोऽस्तु ते || २३ ||
फल श्रुति
नाम्नामष्टोत्तरं पुण्यं श्यामलाया इतीरितम् |
प्रजपेद्यो नरो भक्त्या सर्वपापैर्विमुच्यते || २४ ||
व्याचष्टे सर्वशास्त्राणि महावागीश्वरो भवेत् |
सकृच्छ्रवणमात्रेण गुह्याद्द्वे च चतुष्टयम् || २५ ||
सर्वलोकान् वशीकुर्यात् कान्त्या विष्णुसमो भवेत् |
लभते महतीं लक्ष्मीं दैवतैरतिदुर्लभाम् || २६ ||
अणिमादिगुणैश्वर्यं स लभेच्छीघ्रमेव हि |
जातिस्मृतिर्भवेच्छीघ्रं सर्वविद्यानिधिर्भवेत् || २७ ||
प्राप्नोति परमं ज्ञानं सर्वदा सुखमश्नुते |
सर्वत्र स भवेत् पूज्यः सर्वत्र विजयी भवेत् || २८ ||
भूतप्रेतपिशाचादि भयं तस्य न जायते |
महतीं कीर्तिमाप्नोति लभेद्योगमनुत्तमम् || २९ ||
घटिकापादुकाद्यष्टसिद्धिनाथो भवेदयम् |
मङ्गलानि भवैनित्यं स महापण्डितो भवेत् || ३० ||
लभते महदायुष्यं लोकसम्मोहनो भवेत् |
लभेदन्ते महादेवरूपं नात्र विचारणा || ३१ ||